പാടിപ്പഠിയ്ക്കാന്‍ മലയാള വ്യാകരണം
പ്രിയരേ..
‘പാടിപ്പഠിയ്ക്കാന്‍ മലയാള വ്യാകരണം’ഇവിടെ അവതരിപ്പിക്കുകയാണ്‍.
ശ്രേഷ്ഠ മലയാള വൈയാകരണനായ ശ്രീ. ഏ.ആര്‍.രാജ രാജവര്‍മ്മയുടെ ‘കേരള പാണിനീയ’മാണ് ഇവയ്ക്കടിസ്ഥാനം. അദ്ദേഹത്തിന്റെ പാവന സ്മരണയ്ക്കായ് ഇവയര്‍പ്പിക്കുന്നു...
‘പാടിപ്പഠിയ്ക്കാന്‍ മലയാള വ്യാകരണം’ഇവിടെ അവതരിപ്പിക്കുകയാണ്‍.
ശ്രേഷ്ഠ മലയാള വൈയാകരണനായ ശ്രീ. ഏ.ആര്‍.രാജ രാജവര്‍മ്മയുടെ ‘കേരള പാണിനീയ’മാണ് ഇവയ്ക്കടിസ്ഥാനം. അദ്ദേഹത്തിന്റെ പാവന സ്മരണയ്ക്കായ് ഇവയര്‍പ്പിക്കുന്നു...
നാമ വിഭാഗം
ദ്രവ്യനാമം
(സംജ്ഞം- സാമാന്യം- മേയം-സര്‍വ്വം)
==================================
(കേക)
ദ്രവ്യ-ഗുണ-ക്രിയ തന്‍ പേരായ ശബ്ദം നാമം:
ദ്രവ്യ നാമമോ ‘സംജ്ഞം’ ‘സാമാന്യം’ ‘മേയം’ ‘സര്‍വ്വം’!
സംജ്ഞം വ്യക്തിതന്‍ പേരാം-രാമനും പെരിയാറും
സാമാന്യ,മൊരു ജാതി -ആനയും പട്ടണവും!
മേയം താന്‍ ‘സമൂഹ’വും; വ്യക്തി ഭേദവുമില്ല
മഞ്ഞു,പൊ,ന്നാകാശവും വെയിലും മഴ,വെള്ളം!
അടുത്തു പറഞ്ഞൊരു നാമമാം ‘സര്‍വ്വ’നാമം
അവരു,മവനും പിന്നവളു,മതു,മിതും!
================================
ടിപ്പണി.
ഒരു ദ്രവ്യത്തിന്റെയൊ ഗുണത്തിന്റെയൊ ക്രിയയുടെയൊ പേരായ ശബ്ദത്തെ നാമം എന്നു പറയാം.
അതില്‍ ദ്രവ്യനാമമാണ് ആദ്യം പരിഗണിക്കുന്നതു.
സംജ്ഞാനാമം സാമാന്യനാമം മേയാനാമം സര്‍വ്വനാമം ഇങ്ങനെ ദ്രവ്യനാമത്തെ നാലായിതിരിച്ചിട്ടുണ്ട്.
സംജ്ഞം ഒരു വ്യക്തിയെ കുറിക്കുന്നു. പേര്‍ കേട്ടാല്‍ പെട്ടെന്ന് ആ വ്യക്തിയെ മനസ്സിലാക്കാം.
ഉദാ: രാമന്‍,പെരിയാര്‍,കോട്ടയം,ഗുരുവായൂര്‍ കേശവന്‍..
സാമാന്യനാമമാകട്ടെ ഒരു വര്‍ഗ്ഗത്തെ അല്ലെങ്കില്‍ ജാതിയെ( ഇനത്തെ) സൂചിപ്പിക്കുന്നു.
ഉദാ:ആന,പട്ടണം,കോഴി,മനുഷ്യന്‍..
മേയാനാമവും ‘സമൂഹനാമ’വും ഒന്നാണെന്ന അഭിപ്രായവുമുണ്ട്!
എത്ര ചെറുതാക്കിയാലും വലുതാക്കിയാലും പേരില്‍ (വ്യക്തിക്കു) വ്യത്യാസം വരാത്തത് മേയാനാമം.ഉദാ:മഞ്ഞ്,പൊന്ന്,ആകാശം,വെയില്‍ ,മഴ,വെള്ളം,കാറ്റ്(വായു)..
തൊട്ടടുത്തു പറഞ്ഞ ഒരു നാമത്തിനു പകരം (ആവര്‍ത്തന വിരസതയില്ലാതിരിക്കാന്‍)വയ്ക്കുന്ന നാമമാണ് സര്‍വ്വനാമം.ഉദാ:അവര്‍,അവന്‍,ആവള്‍,അത്,ഇത
ithinu thudarchayundo ?
ReplyDeleteതീർച്ചയായും ഇതിനു തുടർച്ചയുണ്ട് -:)
ReplyDeleteആരെങ്കിലും ഇതു വായിച്ചു നോക്കുമോ എന്നറിയാൻ ആഗ്രഹമുണ്ടായിരുന്നു..എന്നിട്ടാവാം തുടർച്ച എന്നു കരുതി.അത്രമാത്രം.
എന്തായാലും ഇവിടെ എത്തിനോക്കിയതിനും പ്രോത്സാഹിപ്പിച്ചതിനും നന്ദി...
കേരളപാണിനീയം തുടക്കക്കാർക്ക് ബാലികേറാമലയാണെന്ന് കേട്ടിട്ടുണ്ട്. ഭാഷയിൽ വ്യുത്പത്തി കുറഞ്ഞവർക്ക് ഇത് ദുഷ്കരമാണെന്നാണ് എന്റെ ധാരണ, താങ്കളുടെ സഹായം ഈ ബ്ലോഗിൽ ഇപ്പോഴും സജീവമായുണ്ടോ ?.
ReplyDelete